நவ திருப்பதி கோயில்கள் சுற்றுலா வழிகாட்டி
நவக்கிரகங்கள் என்பவை சூரிய மண்டலத்தில் உள்ள சூரியன் உள்ளிட்ட ஒன்பது கோள்களாகும். இவை பூமியில் உள்ள மனித வாழ்வை நிர்ணயிக்கின்றன. இந்து சமயத்தில் நவகிரங்களான சூரியன், சந்திரன், செவ்வாய், புதன், குரு (வியாழன்), சுக்கிரன் (வெள்ளி), சனி, இராகு மற்றும் கேது ஆகியவற்றை வழிபடும் வழக்கம் உள்ளது. அனைத்து சைவ மற்றும் வைணவ ஆலயங்களிலும் நவக்கிரகங்ளுக்கு தனி சன்னதி உள்ளது. அவை தவிர தமிழகம் எங்கும் ஆங்காங்கே நவக்கிரகங்களுக்கு தனி ஆலயங்களும் பரிகார ஸ்தலங்களும் உள்ளன. குறிப்பாக நவகிரகங்கள் வழிபட்டு தங்கள் தோஷம் நீங்கப்பெற்ற சிறப்பு தலங்களும் உள்ளன. அவ்வாறான கோவில்கள் பெரும்பாலும் தாமிரவருணி நதிக்கரை எங்கும் அமைந்துள்ளன.
நவ திருப்பதி கோயில்கள் – திருநெல்வேலி
நவக்கிரக சிவாலயங்கள் நவகைலாயங்கள் என்றும் நவக்கிரக வைணவ கோயில்கள் நவதிருப்பதிகள் என்று அழைக்கப்படுகின்றன. இவற்றில் நவதிருப்பதி திருத்தலங்கள் தமிழ்நாட்டில், தூத்துக்குடி மாவட்டத்தில் தாமிரபரணி ஆற்றின் இரு கரைகளிலும் அமைந்துள்ளன. இவை அனைத்தும் 108 திவ்ய தேச திருத்தலங்களில் அடங்கும். இந்த ஒன்பது கோயில்களுமே ஆழ்வார்களால் மங்களாசாசனம் (பாடல்) செய்யப்பட்ட திவ்ய தேசங்கள்.
இந்த ஒன்பது கோயில்கள் ஒவ்வொன்றிலும் ஒவ்வொரு கிரகம் வந்து தவம் செய்து தங்கள் தோஷங்கள் நீங்கி வரம்பெற்று விண்ணுலகம் திரும்பியதாக அந்தந்த தல வரலாறுகள் கூறுகின்றன. எனவே இத்திருத்தலங்கள் அந்தந்தக் கிரகங்களுக்குரிய தோஷங்களைப் போக்கும் பரிகாரத் தலங்களாகவும் வழிபடப்படுகின்றன. குறிப்பாக அந்தந்தக் கிரகத்துக்குரிய நாட்களில் (உதாரணமாக, சூரியனுக்குரிய ஸ்ரீவைகுண்டம் ஆலயத்தில் ஞாயிற்றுக்கிழமை) வழிபாடு செய்வது மிகவும் சிறப்பானதாக கருதப்படுகிறது நம்பப்படுகிறது.
இனி நவதிருப்பதி திருத்தலங்களின் பெயர், மூலவர்/உற்சவர் பெயர்கள் தொடர்புடைய கிரகம், தல வரலாறு மற்றும் தல சிறப்பை சுருக்கமாக காணலாம்.
திருத்தலம் 1 : ஸ்ரீவைகுண்டம் வைகுண்டநாதர் கோவில்
திருத்தலம் 1. : ஸ்ரீவைகுண்டம் வைகுண்டநாதர் கோவில்
திருத்தல இறைவன்: மூலவர் வைகுண்டநாதர் (நின்ற திருக்கோலம்)
உற்சவர் கள்ளபிரான்
கிரகம்: சூரியன்
சிறப்பு: பிரம்மன், சிவன், இந்திரன், சூரியன் ஆகியோருக்கு இறைவன் காட்சி அளித்த தலம்.
தல வரலாறு: வைசிய குலத்தைச் சேர்ந்த காலதூஷகன் என்னும் திருடன் இங்குள்ள பெருமாளை வழிபட்டு, செல்வங்களை அபகரிக்கும்போது, வைகுண்டநாதர் கள்ளனைப் போன்று வேடமணிந்து அவனுக்கு உதவியதாகவும், அதனால் உற்சவருக்குக் கள்ளபிரான் என்ற பெயர் வந்ததாகவும் கூறப்படுகிறது.
அமைப்பு இக்கோயிலில் தாயார் வைகுண்டவல்லி. மூலவர் நின்ற திருக்கோலத்தில் ஆதிசேஷன் குடைபிடிக்கக் காட்சியளிக்கிறார்.
நடை திறக்கும் நேரம்:
காலை 7.00 – 12.00
மலை 4.30- 8.30
திருத்தலம் 2: நத்தம் வரகுணமங்கை விஜயாசனப் பெருமாள்
திருத்தலம் 2: நத்தம் வரகுணமங்கை
திருத்தல இறைவன்: மூலவர் விஜயாசனப் பெருமாள் (வீற்றிருந்த திருக்கோலம்)
உற்சவர் நித்தியகல்யாணப் பெருமாள்
கிரகம்: சந்திரன்.
சிறப்பு: இந்திரன் இங்குள்ள பெருமாளை வழிபட்டு சாபம் நீங்கப் பெற்றார்.
தல வரலாறு: வரகுணபாண்டியன் என்னும் மன்னன் இங்கே நீராட வந்தபோது அவனுக்குத் தோஷம் நீங்கியதால் இத்தலம் வரகுணமங்கை எனப் பெயர் பெற்றது.
அமைப்பு மூலவர், திருமகள் மற்றும் நிலமகள் தாயார்களுடன் அமர்ந்த கோலத்தில் காட்சியளிக்கிறார். இத்தல தீர்த்தம் தேவபுஷ்கரணி மற்றும் அக்னி தீர்த்தம் ஆகும்.
நடை திறக்கும் நேரம்:
காலை 7.00 – 12.00
மலை 2.00 – 7.00
திருத்தலம் 3: திருக்கோளூர் வைத்தமாநிதி பெருமாள் கோயில்
திருத்தலம் 3: திருக்கோளூர் வைத்தமாநிதி பெருமாள் கோயில்
திருத்தல இறைவன்: மூலவர் வைத்தமாநிதிப் பெருமாள் (பள்ளி கொண்ட திருக்கோலம்)
உற்சவர்: மாற்று இல்லாத தனங்கொள் மாமணி
கிரகம்: செவ்வாய்
சிறப்பு: நம்மாழ்வார் இத்தலப் பெருமாளைப் பாடியுள்ளார்.
தல வரலாறு: குபேரனின் செல்வம் இழந்தபோது, அவன் இங்கு வந்து பெருமாளை வழிபட்டு இழந்த செல்வத்தை மீண்டும் பெற்றதால், இத்தலப் பெருமாள் வைத்தமாநிதிப் பெருமாள் (வைத்த நிதியை உடையவர்) என அழைக்கப்படுகிறார்.
அமைப்பு மூலவர் குடப்பால் கிடந்த திருக்கோலத்தில், வலது கையைச் சயனித்த தலையின் மீது வைத்து, இடது கையைத் தொப்புளில் பதித்தபடி காட்சியளிக்கிறார்.
நடை திறக்கும் நேரம்:
காலை 7.00 – 12.00
மலை 4.00 – 8.00
திருத்தலம் 4: திருப்புளியங்குடி காய்சினி வேந்த பெருமாள் கோயில்
திருத்தலம் 4: திருப்புளியங்குடி காய்சினி வேந்த பெருமாள் கோயில்
திருத்தல இறைவன்:
மூலவர் காய்சினிவேந்த பெருமாள் (புஜங்க சயனம் – பள்ளி கொண்ட திருக்கோலம்)
உற்சவர் பூமி பாலகர்.
கிரகம்: புதன்
சிறப்பு: இக்கோயில் திருப்புளியமரத்தின் கீழ் அமைந்திருந்தது.
தல வரலாறு: ஜாபாலி முனிவருக்குக் காட்சி தந்த தலம் இது. மூலவர் காய்சினிவேந்தர் என்றால் சினம் தணிந்தவர் என்று பொருள்.
அமைப்பு மூலவர் ஆதிசேஷன் மீது சயனித்த கோலத்தில், வலது கையைத் தலைக்கு முட்டுக் கொடுத்துக், குப்புறப்படுத்த நிலையில் காட்சியளிக்கிறார். மூலவரின் திருவடியில் ஒரு காகமும், தேவியும் அமர்ந்துள்ளனர்.
நடை திறக்கும் நேரம்:
காலை 7.00 – 12.00
மலை 2.00 – 7.30
திருத்தலம் 5: ஆழ்வார்திருநகரி ஆதிநாதர் கோயில்
திருத்தலம் 5: ஆழ்வார்திருநகரி ஆதிநாதர் கோயில்
திருத்தல இறைவன்: மூலவர் ஆதிநாதன் (நின்ற திருக்கோலம்)
உற்சவர் பொலிந்து நின்ற பிரான்
கிரகம்: குரு (வியாழன்)
சிறப்பு: நம்மாழ்வார் பிறந்த தலம் இது.
தல வரலாறு வேதம் பயில வந்த ஒரு மாணவன் ஆற்றில் மூழ்கியபோது, அவனைக் காப்பாற்றித் தன் ஆசனத்தில் அமர வைத்து அருளினார் ஆதிநாதன். அதன்பின்பு இத்தலம் குருவுக்குரிய தலமானது.
அமைப்பு மூலவர் ஆதிநாதர், ஆதிசேஷனின் கருவறை மண்டபத்தின் கீழ் இருக்கும் ஆதிப்புளியமரத்தின் அடியில் எழுந்தருளியுள்ளார். இது ஆதிசேஷன், ஆதிமரம், ஆதிநாதர் என்று அழைக்கப்படுகிறது.
நடை திறக்கும் நேரம்:
காலை 7.00 – 12.00
மலை 4.00 – 8.30
திருத்தலம் 6: தென்திருப்பேரை மகரநெடுங்குழைக்காதர் கோவில்
திருத்தலம் 6: தென்திருப்பேரை மகரநெடுங்குழைக்காதர் கோவில்
திருத்தல இறைவன்:
மூலவர் மகர நெடுங்குழைக்காதர் (வீற்றிருந்த திருக்கோலம்)
உற்சவர் நிகரில் முகில் வண்ணன்
கிரகம்: சுக்கிரன் (வெள்ளி)
சிறப்பு: குழைக்காதர் என்றால் மகரக்குண்டலத்தை அணிந்த காதுகளை உடையவர் என்று பொருள்.
தல வரலாறு: திருமணத்திற்குப் பின் தாயாரின் காதில் இருந்த மகர குண்டலம் காணாமல் போக, பெருமாள் தமது காதில் இருந்த குண்டலத்தை தாயாருக்கு அளித்தார். எனவே இத்தலப் பெருமாள் மகர நெடுங்குழைக்காதர் எனப்படுகிறார்.
அமைப்பு மூலவர் அமர்ந்த திருக்கோலத்தில் கிழக்கு நோக்கியுள்ளார். இந்தத் தலத்தில் தீர்த்தம் சுக்கிர தீர்த்தம்.
நடை திறக்கும் நேரம்:
காலை 7.00 – 12.00
மலை 4.00 – 8.00
திருத்தலம் 7: பெருங்குளம் திருக்களந்தை
திருத்தலம் 7: பெருங்குளம் திருக்களந்தை
திருத்தல இறைவன்: திருத்தல மூலவர் மாயக்கூத்தப் பெருமாள் (நின்ற திருக்கோலம்)
உற்சவர் சோர நாதன்.
கிரகம்: சனி
சிறப்பு: இக்கோயிலின் விமானம் சாமவேத விமானம் ஆகும்.
தல வரலாறு விசுவப்பிராமணர் என்பவர் இறைவனைக் காண முடியாமல், இறுதியில் மாயக்கூத்தராகக் காட்சியளித்த பெருமாளை வழிபட்டதால், இத்தலப் பெருமாள் மாயக்கூத்தர் என அழைக்கப்படுகிறார்.
அமைப்பு மூலவர் கிழக்கு நோக்கிய நின்ற திருக்கோலத்தில் காட்சியளிக்கிறார். இத்தல தாயார் திருமகள் நாச்சியார்.
நடை திறக்கும் நேரம்:
காலை 7.00 – 12.00
மலை 2.00 – 7.00
திருத்தலம்8: திருத்துலைவில்லிமங்கலம்
திருத்தலம்8: திருத்துலைவில்லிமங்கலம் (இரட்டைத் திருப்பதி திருத்தலங்கள்)
திருத்தல இறைவன்: மூலவர் தேவர்பிரான் (நின்ற திருக்கோலம்)
கிரகம் : ராகு
சிறப்பு: இத்தலப் பெருமாளை பிரம்மன், சிவன், தேவர்கள் ஆகியோர் வழிபட்டதால் தேவர்பிரான் என்று அழைக்கப்படுகிறார்.
நடை திறக்கும் நேரம்:
காலை 8.00 – 12.00
மலை 2.00 – 5.00
திருத்தலம்9: திருத்துலைவில்லிமங்கலம்
திருத்தலம்9: திருத்துலைவில்லிமங்கலம்
திருத்தல இறைவன்: அரவிந்தலோசனர்
அரவிந்த லோசனன் கோயில் அரவிந்த லோசனன் (பள்ளி கொண்ட திருக்கோலம்)
கிரகம் : கேது
சிறப்பு: தாமரை மலரின் மீது எழுந்தருளியுள்ளார். அதனாலேயே அரவிந்த லோசனன் (தாமரைக் கண்ணன்) என அழைக்கப்படுகிறார்.
நடை திறக்கும் நேரம்:
காலை 8.00 – 12.00
மலை 2.00 – 5.00
ராகு மற்றும் கேதுவுக்குரிய இரண்டு கோயில்களும் திருத்துலைவில்லிமங்கலம் என்ற ஒரே இடத்தில் அருகருகே அமைந்துள்ளன.
நவதிருப்பதியில் நின்ற, இருந்த, கிடந்த கோலங்களில் எழுந்தருளி அருள்பாலிக்கும் பெருமாளை சேவித்து நவகிரக தோஷங்களைப் போக்கிக்கொண்டு வாழ்வில் வளமும் நலமும் பெற அன்பர்கள் அனைவரையும் ஆலயாத்ரா அன்புடன் வேண்டிக்கொள்கிறது.
